المعتقدات الشامية

[الحجي]

اليوم لاحظت بعض الاشياء لي بيعتقدو فيها كثير من اهل الشام و خصوصي المرأة الشامية و حبيت احكي عن بعضها

*اذا انكسرت كاسة يقال: انكسر الشر
* من يأكل من رغيف غيره يخاصمه و يعاديه ( كتير بتكون قاعد مع اسرة شامية على سفرة الاكل و بتلاقي الام عم تخانق ابنها لانو اكل من خبزة اخوه http://www.fjrona.com/forum/images/smilies/icon_surprised.gif ليشش قال اذا اكل من خبزة اخوه بيتخانق معو )

* اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)

* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )

* مراششة الميه فراق (ما بصير حدا يرش رفيقو بالمي لان بعدين بيتفرقوا )

* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين

* اذا اجت الكندرة فوق الكندرة يعني رايحين مشوار

* اذا زحف الولد او زقزقت العصافير معناها جاينا ضيوف

*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل

* اذا كان في خناقة بيقولوا اقلبوا الصرامي لتحمى الخناقة (ششششماتة ) الله لا يشمت حدا فينا

* اذا رفت عيني اليمين بيكون جاينا خبر طريف

*اذا رفت عيني الشمال بيكون جاينا خبر مو منيح

* اذا حكني حاجبي معناها بدنا نستقبل حدا جاي من السفر

* و ما بصير الحمام بالليل

*و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن ) http://www.fjrona.com/forum/images/smilies/icon_surprised.gif

هدول لي اتذكرتهن هلاء لي بيتذكر شي يضيفو

[عصفورة المنتدى]

http://www.fjrona.com/vb/picture.php?albumid=4&pictureid=54